Avropa İttifaqı (Aİ) Suriyanın yeni hakimiyyət orqanlarını Rusiya hərbi bazaları da daxil olmaqla, “xarici hərbi mövcudluqdan qurtulmağa” çağırıb.
1xeber.media xəbər verir ki, bu barədə yüksək səviyyəli Avropa mənbəsi bildirib.
“Biz artıq Dəməşqə məlumat vermişik ki, normallaşma səylərinin bir hissəsi xarici hərbi iştirakdan və ya müdaxilədən xilas olmalıdır. Bu, ən azı üç ölkəyə aiddir, onlardan biri Rusiyadır”.
Mənbənin sözlərinə görə, Dəməşq bu məsələyə “gələcəkdə” baxacağına söz verib. Rəsmi şəxsin bu məsələnin həllini Avropanın Suriyaya qarşı sanksiyalarının ləğvinə başlaması ilə əlaqələndirmədiyi vurğulanır.
Bundan əvvəl Rusiya Xarici İşlər Nazirliyi qeyd edib ki, Suriyadakı Rusiya hərbi bazalarına müvəqqəti olaraq humanitar mərkəz rolu verilə bilər. Eyni zamanda departament aydınlaşdırıb ki, Moskva ölkələr arasında münasibətlərin bütün aspektləri üzrə konstruktiv dialoqa açıqdır.
