Sumqayırda yüksək sürət ağır qəzaya səbəb olub.
1xeber.media Avtosfer.az-a istinadən xəbər verir ki, hadisə səhər saatlarında Sülh prospekti ilə Koroğlu küçəsinin kəsişməsində qeydə alınıb.
Belə ki, sürücü 2005-ci il təvəllüdlü Hüseynzadə Hüseyn İlham oğlu yüksək sürətlə idarə etdiyi BMV markalı 99 XC 915 dövlət nömrə nişanlı minik avtomobilini əvvəlcə 10 nömrəli 50 AE 809 dövlət nömrə nişanlı sərnişin avtobusuna çırpıb. Qəza səbəbindən avtobus aşıb. Daha sonra yol kənarında dayanan Opel markalı minik avtomobilinə dəyib.
Xoşbəxtlikdən avtobus boş olub. Hadisə zamanı xəsarət alanlar isə dərhal Sumqayıt şəhər Təcili Tibbi yardım xəstəxanasına çatdırılıb. Vəziyyətlərinin orta ağır olduğu bildirilir.
Hadisənin ilginc tərəfi isə qəzanı törədən şəxsin kimliyidir. Belə ki, araşdırma zamanı məlum olub ki, səhər saatlarında ağır qəza törədən şəxs Hüseynzadə Hüseyn İlham oğlu Sumqayıt Şəhər Məhkəməsinin eks hakimi Zeyqəm Hüseynovun nəvəsidir.
Şahidlərin sözlərinə görə, Hüseyn Hüseyzadə saatda 150 ilə avtomobili idarə edib və qaydaları kobud şəkildə pozaraq qəza törədib. Həmçinin qəza törətdiyi avtomobilin üzərində dövlət nömrə nişanı olmayıb.
Faktla bağlı araşdırma aparılır.
