Hazırda Türkiyə superliqa təmsilçisi "Eyüpspor"un baş məşqçisi olan Arda Turan dünən Superliqanın 13-cü turunda bir vaxtlar kapitanı olduğu "Qalatasaray"la qarşılaşıb.x
1xeber.media xəbər verir ki, İstanbulda keçirilən matçdan öncə yerli komandanın azarkeşləri klublarının yetirməsi olan Arda Turanı yüksək hörmət və gül-çiçiklə qarşılayıblar. Matç başlamazdan əvvəl fanatlar "Arda Turan oley" deyərək onu tribuna önünə çağırıblar. O, azarkeşlərə yaxınlaşaraq onların qarşısında təzim edib.
Qeyd edək ki, "Qalatasaray" - "Eyüpspor" matçı 2:2 hesabı ilə yekunlaşıb. Bu, Arda Turanın baş məşqçi kimi sabiq komandasına qarşı ilk oyunu olub.
Hazırda "Qalatasaray" 13 oyundan 35 xalla 1-ci, "Eyüpspor" isə 14 matçdan 23 xalla 4-cü yeri tutur.
