Türkiyə millisinin və "Real"ın futbolçusu Arda Güler klub prezidenti Florentino Perezlə görüşüb.
1xeber.media xəbər verir ki, bu barədə "Don Balon" nəşri məlumat yayıb.
İddiaya görə, Madrid təmsilçisində kifayət qədər oyun şansı almayan 19 yaşlı yarımmüdafiəçi Perezə daha çox oynaya biləcəyi bir kluba icarəyə göndərilmək istədiyini bildirib. Arda onun üçün göndərilən təkliflərin dəyərləndirilməsini xahiş edib.
Güler La Liqa klublarından birinə keçməyə üstünlük verir. Xəbərdə bu da qeyd olunub ki, Türkiyə millisinin üzvü üçün ən yaxşı variant "Real Sosyedad"dır.
Qeyd edək ki, Arda ötən ilin yayında "Fənərbaxça"dan "Real"a keçsə də, aldığı ardıcıl zədələr səbəbindən yalnız geridə qalan qışda komandada debüt edə bilib. Cari mövsümdə isə Güler 15 matça çıxıb, 1 qolun ötürməsi verib. O, ümumilikdə 484 dəqiqə meydanda olub.
Futbolçunun "kral klubu" ilə müqaviləsi 2029-cu ilin yayına qədərdir.
