Ağ Evdəki səhnələr şokedicidir. İşğal olunmuş bir ölkənin prezidentini kürəyindən necə belə bıçaqlaya bilərsən?
1xeber.media axar.az-a istinadən xəbər verir ki, bu sözləri Bundestaqın Xristian Demokrat İttifaqı fraksiyasının sədr müavini Johan Devid Vadeful Ağ Evdə mübahisə ilə keçən Tramp-Zelenski görüşünü şərh edərkən deyib.
“Azad Avropa Ukraynaya xəyanət etməyəcək”, - alman siyasətçi bildirib.
Xatırladaq ki, Ağ Evdə ötən gün ABŞ və Ukrayna liderləri Donald Tramp və Vladimir Zelenski arasında baş tutan görüş olduqca gərgin keçib. İctimaiyyət önündə mübahisə edən liderlər daha sonra görüşü qapalı formada davam ediblər. Ancaq bağlı qapılar arxasındakı görüş də yarımçıq kəsilib, Zelenski Ağ Evi erkən tərk edib, birgə mətbuat konfransı və Ukrayna ilə təbii sərvətlərlə bağlı sazişin imzalanması ləğv edilib.
