Bu asteroid Yer üzündəki hər kəsi milyarderə çevirə bilər

10 trilyon dollar dəyərində metala malik asteroid "16 Psyche" fərziyyə olaraq Yer kürəsindəki hər bir insanı milyarderə çevirə bilər.

"Unilad" xəbər verir ki, keçən ay NASA kəşf edilmiş ən böyük M tipli asteroidlərdən birini araşdırmaq üçün "SpaceX"in "Falcon Heavy" raketini göndib.

Bildiyimiz asteroidlərin əksəriyyəti qaya və buzdan ibarətdir, lakin "16 Psyche" platin və palladium da daxil olmaqla bir çox müxtəlif metallara malikdir. Onlar avtomobillər və elektronika üçün lazımdır.

Ümumilikdə Günəş sistemimizdə metalla zəngin doqquz asteroid var, lakin "16 Psyche" onların ən böyüyüdür. ABŞ Kosmik Agentliyinin hesablamalarına görə, bu asteroidin səthi təxminən 165.800 kvadrat kilometrdir və 30-60% metaldan ibarətdir. Alternativ olaraq, Günəş sistemimizin "tikinti blokları"ndan biri olan erkən planetin çılpaq nikel-dəmir nüvəsinə sahib ola bilər.

2023-cü ilə olan məlumata görə, planetimizdə təxminən 8,025 milyard insan yaşayır. "16 Psyche"dəki metalların dəyərini 10 trilyon dollara bölsəniz, hər bir insan 1,25 milyard dollar ala bilər. Bu, çox güman ki, iqtisadiyyatın çökməsinə səbəb olsa da, biz zəngin insanlar kimi yaşaya bilərik.

Məsələn, məşhur iş adamı və dünyanın ən varlı şəxsi İlon Maskın sərvəti asteroidə görə ödənişdən 250 dəfə çoxdur - 313,9 milyard dollar.

Bununla belə, NASA "16 Psyche"yə qiymətli metalları toplamaq üçün deyil, planetlərin nüvələrini və onların necə əmələ gəldiyini öyrənmək üçün ziyarət etmək istəyir. "SpaceX" raketinin təyinat yerinə 2029-cu ilin iyulundan tez çatmayacağı gözlənilir.

Tədqiqatın məqsədi asteroidin həqiqətən də Günəş sisteminin ilk dövrlərinə aid bir qaya olan planetin nüvəsi olub-olmadığını öyrənməkdir.