İranın cənubunda yerləşən Hörmüzqan əyalətinin Bəndər Abbas şəhərindəki Şəhid Rəcai limanında baş verən partlayış nəticəsində ölənlərin sayı 70 nəfərə çatıb.
1xeber.media yerli KİV-ə istinadən xəbər verir ki, bu barədə əyalət qubernatoru yanında fövqəladə hallar idarəsinin rəisi Mehrdad Həsənzadə bildirib.
Onun sözlərinə görə, 138 nəfər hələ də xəstəxanadadır və onlara yardım göstərilir. Bundan başqa, 1072 yaralıya lazımi tibbi yardım göstərildikdən sonra xəstəxanadan buraxılıb.
Bildirilib ki, yanğınsöndürmə işləri yekunlaşıb.
Xatırladaq ki, partlayış aprelin 26-da günorta saatlarında limanın kimyəvi maddələr saxlanılan anbarında baş verib. Hadisə nəticəsində bir neçə kilometr radiusda binaların pəncərələri qırılıb. İranın hakimiyyət orqanları faktla bağlı təhqiqata başlamaq göstərişi verib.
İranın cənubundakı Şəhid Rəcai limanında baş verən partlayış nəticəsində ölənlərin sayı 46 nəfərə çatıb.
1xeber.media xəbər verir ki, bu barədə “Mehr” agentliyi məlumat yayıb.
Agentliyin məlumatına görə, 138 nəfər xəstəxanadadır və onlara tibbi yardım göstərilir
