Moskvada hüquq-mühafizə orqanlarının əməkdaşları "qeyri-qanuni miqrantları aşkar etmək üçün" reydlər keçiriblər.
1xeber.media xəbər verir ki, bu barədə bu gün Moskva İstintaq Komitəsindən bildiriblər.
Agentlik reydlərin nə vaxt keçirildiyini açıqlamayıb.
İstintaq Komitəsindən onu da bildiriblər ki, onlar “qeyri-qanuni miqrasiya kanallarını” tapmaq üçün Moskvadakı yataqxanaları və ibadət evlərini yoxlayıblar. 500-dən çox adam polisə aparılıb.
Rusiyaya giriş və qalma qaydalarını pozan 30-dan çox şəxs ölkədən çıxarılıb. İddialara görə, müstəntiqlər reyd zamanı federal hökumət tərəfindən axtarışda olan bir nəfəri aşkar ediblər.
İstintaq Komitəsi qanunsuz miqrasiyanın təşkilinə görə məsuliyyəti xatırladıb. Bu cür cinayətlərə görə 5 ilə qədər həbs cəazsı verilir.
