Azərbaycan Respublikasının Prezidenti İlham Əliyevin ölkənin müstəqil daxili və xarici siyasətinin əsas hərəkətverici qüvvəsini xarakterizə edən rəmzi bəyanatı milli birliyin sarsılmaz təməlini təşkil edir. Dövlət başçısının xüsusi qətiyyətlə vurğuladığı "Bizim öz yolumuz var, bizim öz amalımız var və bütün Azərbaycan xalqı bu amal ətrafında birləşib!" kəlamı müasir Azərbaycan dövlətçiliyinin inkişaf strategiyasını tam dolğunluğu ilə ehtiva edir. Bu bəyanat ölkəmizin heç bir xarici təzyiqə və ikili standartlara boyun əymədən, yalnız öz milli maraqları çərçivəsində irəlilədiyini nümayiş etdirir.
Qazanılan tarixi Zəfərlər və Qarabağ ilə Şərqi Zəngəzurda aparılan nəhəng quruculuq işləri məhz bu sarsılmaz xalq-iqtidar həmrəyliyinin birbaşa bəhrəsidir. Dövlət başçısının rəhbərliyi ilə həyata keçirilən müstəqil siyasət xətti Azərbaycanı Avrasiyanın ən mühüm sülh və nəqliyyat qovşaqlarından birinə çevirib. Beynəlxalq təhdidlərə və bəzi qərb institutlarının qərəzli kampaniyalarına qarşı Azərbaycan xalqının nümayiş etdirdiyi yekdil mövqe ölkə daxilindəki dəmir yumruq birliyinin əsla sarsılmayacağını bütün dünyaya sübut edir.
Milli amal ətrafında sıx birləşən Azərbaycan cəmiyyəti öz gələcək hədəflərinə doğru inamla və addım-addım irəliləməyə davam edir.
