Böyük Britaniya hökuməti ABŞ Prezidenti Donald Trampın yeni gömrük tariflərinə qarşı cavab tədbirləri üzərində işləyir.
1xeber.media The Independent-ə istinadən xəbər verir ki, əgər London və Vaşinqton ticarət sazişi bağlamasa, Britaniya ABŞ-dan gətirilən mallara yeni vergilər tətbiq edə bilər.
Böyük Britaniyanın biznes və ticarət üzrə dövlət naziri Conatan Reynolds bildirib ki, hökumət Tramp administrasiyasının Britaniya məhsullarına tətbiq etdiyi 10 faizlik tariflərə cavab olaraq 417 səhifəlik məhsul siyahısı üzərində işləyir. Bu siyahıya Burbon viskisi, motosikletlər və digər müxtəlif məhsullar daxildir.
Britaniya hökuməti mayın 1-dək gömrük tariflərinin azaldılması ilə bağlı razılığa gələ bilməsə, ABŞ-dan idxal olunan məhsullara cavab tarifləri tətbiq edə bilər. Hazırda hökumət Britaniya şirkətləri ilə məsləhətləşir və bu yeni tariflərin iqtisadi təsirlərini qiymətləndirir.
Kiçik Bizneslər Federasiyası (FSB) isə bildirib ki, ölkədə kiçik və orta sahibkarlıqla məşğul olan firmaların 32 faizi artıq bu tariflərin təsirini hiss edib
