Tailand fevral ayında Myanmanın sərhəd bölgəsindəki fırıldaqçı çağrı mərkəzlərindən azad edilən 7.224 xarici vətəndaşın vətənlərinə repatriasiyasını həyata keçirib.
1xeber.media xəbər verir ki, bu humanitar əməliyyat Tailand və Çin hüquq-mühafizə orqanlarının əməkdaşlığı və Myanma təhlükəsizlik qüvvələrinin dəstəyi ilə baş tutub.
Tailand Xarici İşlər Nazirliyinin İnformasiya Departamentinin baş direktoru Nikondet Phalangkuna mətbuat konfransında bildirib ki, ümumilikdə azad edilən 9.951 nəfərin 7.224-ü artıq vətənlərinə yola salınıb. Hazırda Myanmada 1.700-dən çox şəxs qalır və onlar da yaxın vaxtlarda Tailand vasitəsilə vətənlərinə göndəriləcək.
Phalangkunanın sözlərinə görə, repatriasiya edilənlər arasında ən çox sayda Çin vətəndaşı (5.414 nəfər) olub. Onları İndoneziya (653 nəfər) və Hindistan (581 nəfər) vətəndaşları izləyir. Ümumilikdə isə azad edilən şəxslər 30-dan çox ölkənin vətəndaşlarıdır.
