İran ABŞ-nin nüvə sazişindən (JCPOA) çıxmayacağına dair hüquqi təminat şərti ilə uranın zənginləşdirilməsi səviyyəsini azaltmağa hazırdır.
1xeber.media xəbər verir ki, bu barədə “Reuters” yüksək rütbəli İran rəsmisinə istinadən məlumat yayıb.
"Biz sentrifuqaları sökməyəcəyik və zənginləşdirməni tamamilə dayandırmayacağıq, lakin JCPOA çərçivəsində dialoqa hazırıq", - mənbə bildirib.
O, İranın raket proqramının danışıqlardan kənarda qalacağını vurğulayıb.
"Bu, milli təhlükəsizlik məsələsidir və nüvə sazişi ilə bağlı deyil. Sazişlərin toxunulmazlığının təminatları istənilən güzəştlər üçün ilkin şərtdir", - deyə rəsmi əlavə edib.
