NATO Rusiya tərəfinin Alyansın şərqə doğru genişlənməməsinə dair yazılı zəmanət tələblərini müzakirə etmir.
1xeber.media xəbər verir ki, bu barədə “Azadlıq” radiosu NATO-dakı mənbələrə istinadən məlumat verib.
Mənbələrin sözlərinə görə, belə bir məsələ nə sonuncu, nə də əvvəlki rəsmi NATO görüşlərində gündəmə gətirilib. Bu, sadəcə akademik müzakirə səviyyəsində olub.
Digər diplomat isə qeyd edib ki, NATO-nun genişlənməməsi ilə bağlı yazılı öhdəlik verməsi real deyil, çünki dövlətlərin hansı ittifaqa qoşulacağına özlərinin qərar vermək hüququ beynəlxalq müqavilələrlə qorunur.
Qeyd edək ki, 28 mayda “Röyters” agentliyi Rusiya Prezidenti Vladimir Putinin Ukrayna ilə müharibəni dayandırmaq üçün Qərbdən NATO-nun genişlənməməsinə dair yazılı təminat istədiyini xəbər vermişdi.
ABŞ prezidentinin Ukrayna üzrə nümayəndəsi Kit Kelloq isə bildirib ki, Vaşinqton Rusiyanın bu narahatlığını anlayır və bu məsələni Moskva ilə müzakirə etməyə hazırdır.
