Bu həftə ABŞ prezidentinin xüsusi nümayəndəsi Stiven Uitkoffun Moskvaya səfəri gözlənilir. Onun səriştəsinə dair müəyyən şübhələr olsa da, əsas vəzifəsi ABŞ-ın Rusiyaya qarşı yaxın vaxtlarda Donald Tramp tərəfindən tətbiq olunacağı gözlənilən yeni sanksiyalara cavab olaraq eskalasiyanın yolverilməzliyi barədə mesajı çatdırmaq olacaq.
1xeber.media xəbər verir ki, bu barədə “Teleqraf” nəşri yazıb.
Məqalə qeyd edir ki, Uitkoff bu il artıq Moskvada olub və səfərdən sonra Rusiya liderini açıq şəkildə tərifləmişdi: “Mən Putini pis insan hesab etmirəm. O, çox ağıllıdır”.
“Ümid qalır ki, “Uitkoffun Putinin niyyətlərinə qarşı sadəlövhlüyü” bu həftə Trampın mesajını Moskvaya çatdırmasına mane olmayacaq. Uitkoff Putinə çatdıracaq ki, ABŞ indiyədək az müzakirə olunan Qərb sanksiyalarının yan keçməklə bağlı qalan son vacib sxemlərini bloklayacaq”.
