Önümüzdəki illərdə Almaniyanın pivə sənayesi iflas dalğası gözləyir.
1xeber.media xəbər verir ki, bu barədə "Augsburger Allgemeine"ə müsahibəsində Bavariyanın ən qədim pivə zavodlarından biri olan Ottingerin rəhbəri Stefan Blaşçak bildirib.
Onun sözlərinə görə, Almaniyada pivə satışı hər il 2-3% azalır və 2025-ci ildə "çöküş" baş verib. Təkcə bu ilin birinci yarısında ölkədə bu içkinin istehsalının həcmi 2,6 milyon hektolitr azalıb ki, bu da gündə təxminən 3 milyon butulkaya bərabərdir.
Blaşçak bildirib ki, pivə zavodları təkcə pivə deyil, müxtəlif növ içkilərin istehsalçısına çevrilir. O, bunu sənaye üçün xilas kimi görür.
Hazırda Almaniyada pivə istehsalının həcmi 80 milyon hektolitr təşkil edir. Bəzi bazar iştirakçıları onun 5 ildən sonra 65 milyon hektolitre düşəcəyini iddia edirlər.
Avqust ayında Almaniya Federal Statistika İdarəsi ölkədə pivə satışının 1993-cü ildən bəri ən aşağı səviyyəyə düşdüyünü bildirib. 2025-ci ilin yanvar-iyun ayları arasında almanlar cəmi 3,9 milyard litr pivə içiblər ki, bu da 2024-cü ilin eyni dövrü ilə müqayisədə 6,3% azdır.
Alman Pivəçilər Assosiasiyasının (DBB) məlumatına görə, 2019-cu ildə ölkədə 1552 pivə zavodu fəaliyyət göstərib. 2025-ci ilin martına qədər onlardan 93-ü fəaliyyətini dayandırıb.
