Avqust ayının əvvəlində Türk Silahlı Qüvvələrinin rəhbərliyində yeni təyinatların olması hərbi sahədə əməkdaşlığımızın inkişafına növbəti təkanı verəcək.
1xeber.media Report-a istinadən xəbər verir ki, bunu Azərbaycan müdafiə nazirinin birinci müavini – Azərbaycan Ordusunun Baş Qərargah rəisi general-polkovnik Kərim Vəliyev 30 avqust - Türkiyənin Zəfər bayramı münasibətilə Bakıda keçirilən qəbulda deyib.
O qeyd edib ki, Türk Silahlı Qüvvələrinin yeni Baş Qərargah rəisi ordu generalı Səlcuq Bayraqdaroğlunun yaxın günlərdə ölkəmizə nəzərdə tutulan səfəri ordularımız arasında əlaqələrin daha da möhkəmlənməsinə xidmət edəcək.
