1xeber.media xəbər verir ki, Ermənistanın baş naziri Nikol Paşinyan parlamentdə hökumət saatı zamanı deyib ki, Ermənistan özünü KTMT-dən kənarda hesab edir və artıq təşkilatda qərarların qəbulunda iştirak etmir.
“Biz müzakirələrdə və qərarların qəbulunda iştirak etmirik, lakin vetodan da istifadə etmirik, çünki biz artıq özümüzü KTMT-dən kənarda hesab edirik. Nə istədiklərinə qərar versinlər. Vəziyyət Ermənistanın KTMT-yə qayıtmasını getdikcə çətinləşdirir, hətta mümkünsüz edir.
Hesab edirəm ki, biz burada geri dönüş nöqtəsini keçmişik”, - Paşinyan qeyd edib.Bundan əvvəl Paşinyan KTMT-ni Ermənistanla Azərbaycan arasında Dağlıq Qarabağ münaqişəsi zamanı yardım göstərmədiyinə görə dəfələrlə tənqid edib. Bu ilin fevralında o, respublikanın təşkilatda iştirakının hazırda dondurulduğunu, onun sözlərinə görə, İrəvan qarşısında öhdəliklərini yerinə yetirmədiyini bəyan edib.
