Ümumdünya Meteorologiya Təşkilatı “2025-ci il təqvimi” fotomüsabiqəsinin qaliblərini elan edib.
Bu barədə 1xeber.media AZƏRTAC-a istinadən təşkilatın saytına istinadla xəbər verir.
Təşkilatın 75 illik yubileyinə həsr olunmuş müsabiqəyə dünyanın müxtəlif ölkələrindən 75 fotoşəkil təqdim olunub. Yekun seçim texniki və fotoqrafik məziyyətlər əsasında Ümumdünya Meteorologiya Təşkilatının münsiflər heyəti tərəfindən edilib. Münsiflər heyəti rəhbərliyin üzvləri, kommunikasiya ekspertləri, fotoqraflar və meteoroloqlardan ibarət olub. Seçim zamanı sosial mediada populyarlıq və coğrafi tarazlıq da nəzərə alınıb.
Təqvimə 14 qalib fotoşəkil və 12 fəxri namizəd daxil olub.
