Əlişir Nəvai adına Daşkənd Dövlət Universitetinin fəxri professoru, Özbəkistan Respublikası Beynəlxalq Ədəbiyyat, Sənət, İctimai Fənlər Akademiyasının fəxri akademiki, Türk Dünyası Araşdırmaları Beynəlxalq Elmlər Akademiyasının fəxri professoru, Türk dünyası “Onur” və “Altın yıldız” medallı, "Humay" Milli Mükafatı laureatı, Qırğızıstan Respublikası “Çingiz Aytmatov" adına medal sahibi, Qırğızıstan Təhsil Nazirliyinin "Altın qələm" mükafatı laureatı, "Vektor" Beynəlxalq Elmlər Akademiyasının fəxri professoru, Azərbaycan Yazıçılar Birliyinin üzvü, Türkiyə Yazarlar Birliyinin üzvü, Özbəkistan Yazıçılar İttifaqının fəxri üzvü, Türk dünyasının sevilən vətənpərvər şairəsi Xuraman xanım Muradova Ulu Öndər Heydər Əliyevin adını daşıyan Azərbaycan-Qazaxıstan Dostluq Cəmiyyətinin fəxri üzvü seçilib.
Bu münasibətlə noyabrın 28-də Ulu Öndərimiz Heydər Əliyevin təşəbbüsü ilə yaradılmış və bu il 30 illik yubileyini qeyd edən Azərbaycan-Qazaxıstan Dostluq Cəmiyyətinin Prezidenti Eldar Günaydın və Azərbaycan-Qazaxıstan Dostluq Cəmiyyətini təmsil edən rəsmi şəxslər "VİP Milan" Hospitalın qonağı oldular. Görüş zamanı Ulu Öndərimizin adını daşıyan belə bir mötəbər Cəmiyyətin fəxri üzvü adına layiq görülməkdən məmnunluğunu və şərəf duyduğunu söyləyən Xuraman xanım Muradova qeyd etdi ki: "Bu gün həm də mənim üçün ikiqat əlamətdar, unudulmaz gün oldu, ona görə ki, Müzəffər Ali Baş Komandanımız, Cənab Prezident İlham Əliyevin Xalq üçün yaşanmış şərəfli ömür yolundan bəhs edən "Əsrin Qəhrəmanı olan Komandan" kitabım işıq üzü gördü. Bu mənim Ali Baş Komandana həsr olunmuş ikinci kitabımdır. Kitabımın redaktoru hörmətli Xalq yazıçımız Çingiz Abdullayevlə və mötəbər qonaqlarımızla elə kitabımın işıq üzü gördüyü gün bu böyük sevinci bölüşməkdən şərəf duydum! Hər zaman şəxsiyyətinə böyük hörmət bəslədiyim Xalq Yazıçımız Çingiz müəllim Abdullayevə kitabımın ərsəyə gəlməsində dəyərli tövsiyələri üçün minnətdarlığımı bildirirəm. Kitabımın redaktoru kimi Xalq yazıçısı Çingiz müəllim Abdullayevə, məsləhətçi rəyçi Xalq yazıçısı Natiq Rəsulzadəyə dərin təşəkkürümü və ehtiramımı bildirirəm."
Xatırladaq ki, "Əsrin Qəhrəmanı olan Komandan" əsəri Xuraman xanım Muradovanın Müzəffər Ali Baş Komandanımıza həsr olunmuş növbəti kitabıdır.
Müzəffər Ali Baş Komandanımız, Cənab İlham Əliyevin xalq üçün yaşanmış şərəfli ömür yolundan bəhs edən "Əsrə bərabər 20 il" və "Əsrin qəhrəmanı olan Komandan" kitabları Xuraman xanım Muradovanın möhtərəm Prezidentimizə böyük sevgisinin və vəfa borcunun izharıdır.
