1xeber.media Financial Times-a istinadən xəbər verir ki,ABŞ-ın yeni seçilmiş prezidenti Donald Trampın komandası andiçmə günü, yanvarın 20-də ölkənin Ümumdünya Səhiyyə Təşkilatından (ÜST) çıxdığını elan etmək istəyir.
Respublika komandasının nümayəndələri səhiyyə mütəxəssislərinə bu niyyətdən danışıblar. Qəzet yazır ki, onlar bu addımın qlobal sənaye üçün “fəlakətli” nəticələrə gətirib çıxaracağı barədə xəbərdarlıq ediblər: ABŞ beynəlxalq təşkilatın ən böyük donorudur, Vaşinqton 2022-2023-cü illərdə onun maliyyəsinin 16%-ni təmin edib.
Vaşinqtondakı Corctaun Universitetinin professoru Lawrence Gostin, ABŞ-ın ÜST-dən çıxmasının qlobal səhiyyə maliyyələşdirməsində "böyük bir boşluq" buraxacağını, boşluğu dolduracaq heç kimin olmadığını söylədi. Təşkilat "çox çətin illərlə üzləşəcək, sağlamlıqla bağlı fövqəladə hallara cavab verməkdə çətinlik çəkəcək və elmi işçilərini əhəmiyyətli dərəcədə ixtisar etməli olacaq" deyə xəbərdarlıq etdi.
