"Rəsmi Budapeştin məqsədi Aİ və ABŞ deyil, Rusiyanı gücləndirməkdir. Əgər belədirsə, Ukrayna Macarıstanın Avropa İttifaqı və NATO- dakı yerini tutmağa hazırdır".
Bunu Ukraynanın xarici işlər naziri Andrey Sibiqa "X" sosial şəbəkəsində yazıb.
"Macarıstan MDB və ya KTMT- yə üzv olmaq qərarına gələrsə, Ukrayna Aİ və NATO-da onun yerini tutmağa hazır olacaq ", - xarici işlər naziri yazıb.
Onun sözlərinə görə, Macarıstan ABŞ və digər müttəfiqlərin Avropanın enerji bazarına çıxışına mane olan rusiyayönlü mövqe tutur.
Sibiqa Macarıstan rəhbərliyinin Ukraynanın 2025-ci ildən Rusiya qazının tranzitini uzatmamaq qərarının Aİ istehlakçıları üçün qiymətlərə mənfi təsir göstərdiyi barədə bəyanatlarını manipulyasiya adlandırıb.
