Gürcüstan parlamenti ötən ilin noyabrında keçirilən seçkiləri tanımayan 49 müxalifət deputatının səlahiyyətlərinə vaxtından əvvəl xitam verib.
1xeber.media xəbər verir ki, bu qərar fevralın 5-də keçirilən iclasda qəbul edilib.
“Söhbət müxalifətdə olan “Birlik – Milli Hərəkat”, “Dəyişiklik Naminə Koalisiya” və “Güclü Gürcüstan” partiyalarının parlamentə daxil olan, lakin seçkinin nəticələrini tanımayan nümayəndələrindən gedir. Onlar hələ dekabrda səlahiyyətlərinə xitam verilməsini xahiş ediblər”, Sputnik Georgia Telegram kanalı xəbər verir.
Hazırda Gürcüstan parlamentində 101 deputatın qaldığı dəqiqləşdirilir. Onlardan 81-i hakim “Gürcü Arzusu” partiyasından, 8-i indi müxalifətdə olan Xalq Gücü partiyasından, daha 12-si isə keçmiş seçkiləri tanımayan, lakin parlamentdə deputatların səlahiyyətlərinə xitam verilməsi ilə bağlı bəyanat verməyən “Gürcüstan naminə Qaxariya” partiyasındandır.
