1xeber.media xəbər verir ki, Roma Papası Fransisk Amerikanın katolik yepiskoplarına göndərdiyi açıq məktubda ABŞ prezidenti Donald Trampın immiqrasiya siyasətini kəskin tənqid edib.
“Mən Katolik Kilsəsinin bütün üzvlərini miqrant və qaçqın qardaş və bacılarımıza qarşı ayrı-seçkilik yaradan və onlara lazımsız əzablara səbəb olan rəvayətlərə uymamağa çağırıram”, - Reuters pontifik məktubundan sitat gətirir.
O qeyd edib ki, bütün qeyri-qanuni mühacirləri cinayətkarlarla eyniləşdirməyi yanlış hesab edir. Papa Trampın miqrantların kütləvi deportasiyası ilə bağlı planlarının “rüsvayçılıq” olduğunu bildirib.
