İtaliyadan olan iki turist Estoniyaya daxil olarkən üzərində sovet simvolları olan suvenirləri aparıblar.
1xeber.media xəbər verir ki, bu barədə yerli Rus.Postimees.ee nəşri məlumat yayıb.
Hadisələrin Narva-İvanqorod keçid məntəqəsində baş verdiyi dəqiqləşdirilir. Sərhədçilər bir-birindən ayrı səyahət edən iki avropalının baqajında üzərində SSRİ rəmzləri olan döş nişanları, eynəklər və brelok aşkar ediblər.
Mənbə deyir ki, italyanlara ölkədə bu cür simvolların qadağan olunduğu bildirilib. Hər iki turist əşyaları ataraq Estoniya ilə səyahətinə davam edib.
Bundan əvvəl Tallinn merinin müavini Madl Lippus şəhər binalarından bütün sovet simvollarını yığışdıracağını vəd etmişdi. O, əlavə edib ki, özəl mülklərin sahiblərinə özbaşına qərar qəbul etməyə icazə veriləcək.
