“Paşinyan administrasiyasının siyasəti erməni dövlətçiliyinə son qoyacaq”.
Bunu “Hraparak” qəzetinə açıqlamasında rusiyalı politoloq Stanislav Tarasov deyib.
“Xankəndidən sonra “zaman gələcək İrəvanı itirəcəklər” təəssüratı yaradılır. Dəyişən dünyada erməni məsələsinin gündəmə gətirilməsi mümkündür, amma bunun üçün ermənilərin özünüdərki lazımdır. Ermənilər İrəvanda Paşinyanı seçmişdilər və böyük siyasət, nəyin baş verəcəyi onlara maraqlı deyildi. Diplomatiya imkanlar yaradır, amma anlamaq lazımdır ki, ermənilərin maraqları hər şeydən vacibdir, onları isə özlərindən başqa heç kim müdafiə etməyəcək. Biz onlara kömək edə, dəstəkləyə bilərik, amma ermənilər öz missiyalarını yerinə yetirmək istəməsələr, onlara heç nə kömək etməyəcək”, – Tarasov bildirib.
