Avstriya Xarici İşlər Nazirliyinin rəhbəri və respublikanın kansleri səlahiyyətlərini icra edən Aleksandr Şallenberq istefa verdiyini açıqlayıb.
1xeber.media xəbər verir ki, müvafiq yazı onun X səhifəsində (keçmiş Twitter) göründü.
Siyasətçinin sözlərinə görə, o, siyasi karyerasını bitirmək qərarına gəlib. “Qədim yunanların dediyi kimi, həyatda daimi yeganə şey dəyişiklikdir. Demək olar ki, altı il Avstriya federal hökumətinin üzvü kimi mən qərara gəldim ki, artıq dəyişikliyin vaxtı çatıb”, - deyə o, yeni hökumətin bir hissəsi olmayacağını bildirib.
Şallenberq bunun düşünülmüş qərar olduğunu qeyd edib. O, xidmətdə keçirdiyi vaxta görə inanılmaz dərəcədə minnətdar olduğunu da vurğulayıb.
Bundan əvvəl məlum olub ki, Avstriya kansleri və Avstriya Xalq Partiyasının (ÖVP) lideri Karl Nehammer də tutduğu vəzifədən istefa verdiyini açıqlayıb.
