"VTB Bank Azərbaycan”ın 2024-cü ildə Mərkəzi Bank və dövlət fondları qarşısında öhdəliklərin həcmi 60 milyon 972 min manat təşkil edib.
1xeber.media Valyuta.az bankın hesabatına istinadən xəbər verir ki, bu, 2023-cü ilin sonu ilə müqayisədə 15,7% və ya 8 milyon 313 min manat çoxdur.
2023-cü ildə "VTB Bank Azərbaycan”ın Mərkəzi Bank və dövlət fondları qarşısında öhdəliklərinin həcmi 52 milyon 659 min manat olub.
Bununla yanaşı, bankın kredit təşkilatları və digər maliyyə institutları qarşısında öhdəliklərinin həcmi 19 milyon 262 min manat təşkil edib ki, bu da 2023-cü illə müqayisədə 63,3% və ya 7 milyon 467 min manat çoxdur.
2023-cü ildə bankın kredit təşkilatları və digər maliyyə institutları qarşısında öhdəliklərinin həcmi 11 milyon 795 min manat təşkil edib.
Xatırladaq ki, "Bank VTB Azərbaycan” 2003-cü ildən fəaliyyət göstərən "AF Bank” ASC-nin bazasında 2009-cu ildə yaradılıb. Onun nizamnamə kapitalı 315,815 milyon manatdır. Bankın səhmlərinin 99,999995%-i "Bank VTB Rusiya” ASC-yə, 0,000005%-i isə Adıgözəl Ağayevə ("Ata Holdinq” MMC-nin keçmiş baş direktoru) məxsusdur.
