Bakı şəhərindəki 231 nömrəli tam orta məktəbin işdən çıxarılan direktorunun sədası Qazaxısata da çatıb.
Modern.az saytı xəbər verir ki, Qazaxıstan mətbuatı da ad günü ilə bağlı müəllimlərin ona aldıqları 600 manatlıq hədiyyəni bəyənməyən və “Mənə belə dilənçi payı lazım deyil” deyən Lamiyə İlhamsoyla bağlı xəbəri tirajlayıb.
Qazaxıstanın “newtimes.kz” və “lada.kz” saytları xəbəri yaymaqla yanaşı, hətta Lamiyə İlhamsoyun bəyənmədiyi hədiyyənin dəyərini qazax təngəsilə də hesablayıblar. Xəbərdə bildirlib ki, 600 Azərbaycan manatının ekvivalenti 176 196 Qazaxıstan təngəsi edir. Qeyd edilib ki, “azərbaycanlı məktəb direktoru 176 min təngəlik hədiyyədən narazı qalıb”.
Xatırladaq ki, müəllimləri təhqir edən Lamiyə İlhamsoyun səsyazısı ictimailəşdiriləndən sonra Məktəbəqədər və Ümumi Təhsil üzrə Dövlət Agentliyi araşdırma aparıb və fəaliyyətində yol verdiyi nöqsanlara görə onu məktəb direktoru vəzifəsindən azad edib.
