Gəncədə Kəlbəcər sakinləri üçün inşa edilmiş Yeni qəsəbə ərazisində 1989-cu il təvəllüdlü Səbinə Abbasovanı amansızlıqla qətlə yetirən ögey qardaşı Hüseyn Abbasova hökm oxunub.
1xeber.media xəbər verir ki, Gəncə Ağır Cinayətlər Məhkəməsi Hüseyn Abbasovu Cinayət Məcəlləsinin 120.2.2 və 12.2.4-cü (xuliqanlıq niyyəti ilə və xüsusi amansızlıqla adam öldürmə) maddələri ilə təqsirli bilib.
Qeyd edilib ki, Hüseyn hadisədən 15 il əvvəl doğma anasını qətlə yetirib. O, həbsdən çıxandan sonra cinayətkar niyyətindən əl çəkməyib və bir neçə qohumunu hədələyib, eləcə də müğənnilik fəaliyyəti göstərən ögey bacısı Səbinəni öldürəcəyini deyib.
Hadisədən əvvəl Səbinə Abbasova qohumlarına ögey qardaşı tərəfindən izlənildiyini deyib.
Hadisə baş verən gün isə saat 07 radələrində Hüseyn Səbinənin yaşadığı mənzilin qarşısına gələrək onun çölə çıxmasına nail olub və qəfil hücum edərək çoxsaylı bıçaq zərbələri ilə qətlə yetirib.
Məhkəmənin hökmü ilə 1984-cü il təvəllüdlü H.Abbasova 19 il həbs cəzası verilib.
