1xeber.media xəbər verir ki, məhkəmə keçmiş müdafiə nazirinin müavini Timur İvanovun həbs müddətini aprelin 23-dək uzadıb.
Qeyd olunur ki, bununla da onun rüşvət işi üzrə istintaq təcridxanasında qalma müddəti 1 ilə qədər artırılıb.
İvanovun həbsi 2024-cü il aprelin 23-də məlum olub. O, ertəsi gün həbs edilib. İvanov 1,185 milyard rubl məbləğində rüşvət almaqda ittiham olunur. İstintaqın məlumatına görə, o, Müdafiə Nazirliyinin obyektlərində çalışan podratçı təşkilatların rəhbərləri ilə cinayət əlaqəsinə girib və qanunsuz şəxsi kompensasiya müqabilində onlarla müqavilələr bağlayıb.
İyunun 20-də İvanov vəzifəsindən uzaqlaşdırıldı.
Yanvarın 20-də prokurorluq mənimsəmə və çirkli pulların yuyulmasında təqsirləndirilən sabiq müdafiə nazirinin müavini və onun keçmiş tabeliyində olan şəxsə qarşı cinayət işi üzrə yekun ittihamı təsdiqləyib.
