Aprelin 3-də Abxaziya prezidenti Badra Qunba müvafiq fərman imzalayaraq Vladimir Delbanı respublikanın baş naziri təyin edib.
1xeber.media xəbər verir ki, Sputnik Abxaziya yazır: “Baş nazir hökumətin şəxsi tərkibi ilə bağlı dövlət başçısına təkliflər təqdim edəcək”.
Həmçinin qeyd olunur ki, prezident Nazirlər Kabinetinin istefasını qəbul edib.
Martın 3-də Qunba baş nazir Valeri Bqanbanın istefasını qəbul edib və Delbanı baş nazirin səlahiyyətlərini icra edən təyin edib.
Aprelin 2-də Rusiya prezidenti Vladimir Putin Badra Qunbanı Abxaziya rəhbəri vəzifəsinə başlaması münasibətilə təbrik edib. O, Rusiya Federasiyası və Abxaziya xalqlarını qardaş adlandırıb və onları ümumi tarixlə birləşdirdiyini vurğulayıb.
