ABŞ İxrac-İdxal Bankının (EXIM) Direktorlar Şurası keçən həftə bankın ixracını və prioritetlərini dəstəkləmək üçün 350 milyon dollardan çox məbləğdə üç maliyyə əməliyyatını təsdiqləyib.
1xeber.media xəbər verir ki, bu barədə bankın bəyanatında deyilir.
Sövdələşmələrdən biri Azərbaycanın “Silk Way” aviaşirkətinə 339 milyon dollardan çox kreditin təsdiqi olub.
"Təyyarənin 2026-cı ilin yazına qədər təhvil verilməsi gözlənilir. Əməliyyatlar təxminən 700 iş yeri yaradacaq", - EXIM-in bəyanatında qeyd olunub.
Qeyd edək ki, Amerika Birləşmiş Ştatlarının İxrac-İdxal Bankı (EXIM) ölkənin rəsmi ixrac kredit agentliyidir və onun missiyası ABŞ ixracını təşviq etməklə Amerika iş yerlərini dəstəkləməkdir.
