İran prezidenti Məsud Pezeşkian ölkənin heç bir ölkə ilə müharibə istəmədiyini və nüvə enerjisindən dinc məqsədlərlə istifadənin ölkənin təhlükəsizlik və müdafiə doktrinasında yeri olmadığını bəyan edib.
1xeber.media xəbər verir ki, bu barədə o, Səudiyyə Ərəbistanının vəliəhd şahzadəsi Məhəmməd bin Salman ilə telefon danışığında vurğulayıb.
Onun sözlərinə görə, İslam ölkələri ortaq maraqlar üzərində qurularaq, öz aralarında birlik və dostluğu gücləndirməklə özləri və region üçün sülh, təhlükəsizlik və tərəqqini ən yüksək səviyyədə təmin edə bilərlər: "Müsəlman ölkələri öz aralarında birlik və dostluq bərqərar etsələr, bəzi İslam ölkələrinin, o cümlədən Fələstin və Qəzzanın məzlum xalqına qarşı zülm və cinayətlərin qarşısını ala bilərlər".
