Litva və Estoniya Avropa İttifaqından (Aİ) öz sərhədlərində “dron divarı” qurmaq üçün maliyyə dəstəyi almayıb.
1xeber.media xəbər verir ki, bu barədə aprelin 7-də Estoniyanın ERR telekanalı məlumat yayıb.
"Estoniya və Litva sərhədçiləri əvvəllər sərhəddə dron divarının yaradılmasına yönəlmiş pilotsuz uçuş aparatları layihəsi üçün Aİ-nin maliyyələşməsi üçün müraciət etmişdilər, lakin layihə maliyyə almayıb", - Litva Daxili İşlər Nazirliyinin yaydığı məlumatda deyilir.
Əsas ərizəçinin Estoniya olduğu, Litvanın isə layihədə tərəfdaş kimi çıxış etdiyi göstərilir. Litva Dövlət Sərhəd Xidməti martın əvvəlində Brüsselin müraciəti rədd etdiyini bildirib.
