Ötən il Azərbaycan Dövlət Neft Şirkəti (SOCAR) tərəfindən 5,8 milyon ton neft, 3,4 milyard kubmetr qaz emal edilib.
Bu barədə 1xeber.media SOCAR-ın ötən il üzrə qazma, hasilat, emal və ixrac göstəricilərinə dair açıqladığı hesabata istinadən məlumat verir.
Məlumata görə, 2023-cü ildəki göstərici ilə müqayisədə neft emalında 0,5 milyon ton və ya 7,9%, qaz emalında isə 0,1 milyard kubmetr və ya 2,9% azalma qeydə alınıb.
Belə ki, 2023-cü il ərzində SOCAR tərəfindən 6,3 milyon ton neft, 3,5 milyard kubmetr qaz emal edilmişdi.
Eyni zamanda 2024-cü il ərzinndə SOCAR-ın Azərbaycandakı müəssisələrində istehsal olunan 2,3 milyon tondan çox neft, neft-kimya və qaz-kimya məhsulları xarici bazarlara ixrac edilib. İxrac olunan neft, neft-kimya və qaz-kimya məhsulları həcmində 2,8% artım müşahidə olunub.
