“Qida müasir dünyada ən təhlükəli silaha çevrilib”.
Bunu Hüquqi və Demokratik İslahatlar Mərkəzinin sədr müavini, sosioloq Elçin Bayramlı deyib.
Onun sözlərinə görə, qlobal qüvvələr qida sektorunu bir əldə cəmləşdirmək, süniləşdirmək, idarə olunan vəziyyətə gətirməyə çalışdılar və buna nail oldular:
“Artıq təbii toxumlar məqsədli şəkildə sıradan çıxarılıb. Bundan başqa qida sənayesində 100 min növdən artıq müxtəlif kimyəvi inqrediyentlər yaradılıb. Belə qidalar konkret olaraq sonsuzluq yaradır. Toxum verməyən bir məhsul törədicilik funksiyasından məhrum olur. Bitkilərdə də, heyvanlarda da proses buna doğru gedir. Həmçinin tibbdə “gizli aclıq sindromu” termini yaranıb. Yəni insanlar nə qədər yesələr də, orqanizm doymur. Çünki lazım olan təbii maddələr yoxdur. Bu, həm də xərçəng, ürək-qan damar xəstəlikləri, mədə-bağırsaq pozuntularına gətirib çıxarır. İnsanlar artıq öz təsir rıçaqlarını itiriblər, dövlətlər hərəkətə keçməlidir”.
Sosioloq bildirib ki, iribuynuzlu heyvanlarda, broyler toyuq fabriklərində, balıqçılıq sahəsində süni şəkildə hormonal qidalarla, kimyəvi maddələrlə məshul istehsal edirlər:
“Fəsadlar əsasən özünü ikinci nəsildə büruzə verir, yəni sonsuzluq halları çoxalacaq. Bunlar qlobal məqsədlər üçün həyata keçirilir. Söhbət pul qazanmaqdan getmir. Çünki onların pula ehtiyacı yoxdur, dünyanın sərvəti bu qüvvələrin əlindədir. Gedişat göstərir ki, yaxın 10-20 ildə insanlar qeyri-təbii, qeyri-bioloji varlıqlara çevriləcəklər. Paralel olaraq, uşaqların laboratoriyalarda yaradılması, yetişdirilməsi prosesi gedir”.
Ekspertin sözlərinə görə, bu məsələlər vaksinlərin tərkibinə yerləşdirilən maddələrlə də həyata keçirilir:
“Ona görə yalnız yerli təbii toxum fondlarını artıraraq, GMO (Genetik Modifikasiya olunmuş Orqanizm) istehsalını, idxalını, satışını tamamilə qadağan edərək bunun qarşısını almaq olar. Hormonal yemlər təkcə sonsuzluq deyil, həm də cinsi oriyentasiyada dəyişikliyə səbəb olur. Məsələn, belə hallar kişilərdə qadın, qadınlarda isə kişi hormonunu maksimum həddə yüksəldir. Təəssüf ki, Azərbaycanda bu barədə mübarizə yox səviyyəsindədir. Həm dövlət, həm də cəmiyyət diqqətli olmalıdır”.
Globalinfo.az
