ABŞ prezidenti Donald Tramp ölkələr arasında nifaq salmaq cəhdlərinə baxmayaraq, Rusiya və Çin arasında ikitərəfli münasibətlərin inkişafına təsir göstərə bilməyəcək.
1xeber.media xəbər verir ki, bunu Çinin Moskvadakı səfiri Çjan Xanhui deyib.
“Tramp münasibətlərimizin inkişafına təsir göstərməyə çalışır, lakin buna nail olmayacaq.
Diplomat həmçinin vurğulayıb ki, iki ölkənin iqtisadiyyatlarını inkişaf etdirmək üçün ümumi maraqları və strategiyaları var. Onların həyata keçirilməsi üçün Rusiya və Çinə sabit beynəlxalq vəziyyət lazımdır, buna görə də ABŞ onu pozmaq üçün əlindən gələni edir, səfir əlavə edib.
Bir müddət əvvəl ABŞ Konqresinin Nümayəndələr Palatasının daxili təhlükəsizlik komitəsinin sədri Mark Qrin bildirmişdi ki, Tramp Ukraynadakı münaqişənin həlli istiqamətində göstərdiyi səylərlə Rusiya və Çin arasında münasibətlərə zərbə vurmağa və bununla da Vaşinqtonun beynəlxalq məsələlərdə təsirini artırmağa çalışır.
