"USS Carl Vinson" nüvə təyyarədaşıyan gəmisinin başçılıq etdiyi aviadaşıyıcı zərbə qrupu Yəmənin cənubundakı Ədən körfəzinə daxil olub.
1xeber.media xəbər verir ki, Associated Press çərşənbə axşamı Avropa Birliyinin Kopernik proqramı çərçivəsində orbitdə fəaliyyət göstərən uzaqdan zondlama peykindən çəkilmiş görüntülərə istinadən məlumat yayıb.
Bu yaxınlarda Yaxın Şərqə gələn təyyarədaşıyan gəmi hazırda Yəmənin Ədən körfəzindəki Sokotra adasının şimalındadır. Təyyarədaşıyan gəmidən əlavə qrupa bir raket kreyseri və üç esmines daxildir.
“USS Carl Vinson” uzun müddətdir Qırmızı dənizin mərkəzi hissəsində döyüş növbətçiliyində olan “USS Harry Truman” təyyarədaşıyan gəmisinin rəhbərlik etdiyi aviadaşıyıcı zərbə qrupunun hərəkətlərinə dəstək vermək üçün Pentaqon tərəfindən Yaxın Şərqə göndərilib. O, bir raket kreyseri və üç esminesdən ibarətdir.
USS Harry Truman-a məxsus daşıyıcı təyyarələr, demək olar ki, gecə-gündüz Yəmən Husi hərbi obyektlərinə zərbələr endirir. Əməliyyatlara USS Carl Vinson təyyarədaşıyan gəmisinin qırıcıları da qoşulub.
