Təxminən 300 min şüşə Perrier mineral suyunun patogen bakteriyalarla çirkləndiyi aşkar edilib.
1xeber.media xəbər verir ki, bunu Fransanın Verges şəhərində (Qard departamenti) bu suyu istehsal edən zavodda keçirilən sınaq göstərdi. “Le Figaro” ekspertizanın nəticələrini açıqlayıb.
Bu şirkət Nestle Waters-a məxsusdur. Bundan əlavə, yüz minlərlə digər butulkalar geri çağırılıb. Keçən ilin aprelində isə məhsulların patogenlərlə çirklənmə riski yüksək olduğundan ehtiyat tədbiri olaraq 3 milyon şüşə Perrier məhv edilib.
Beləliklə, nəşrin yazdığı kimi, Perrierin "təbii mineral su" statusu təhlükə altındadır. Bu ayın əvvəlində Fransa hökumətinin sifarişi ilə hidrogeoloqlar içkinin istehsalı ilə bağlı “əlverişsiz rəy” veriblər.
