Əhalinin sağlamlığının qorunması və tibbi yardımın göstərilməsi sahəsində qanunsuz halların qarşısının alınması, habelə aşkar edilmiş belə faktlara qarşı mübarizə istiqamətində Azərbaycan Respublikasının Baş Prokurorluğu və Səhiyyə Nazirliyinin aidiyyəti qurumları tərəfindən kompleks, sistemli və ardıcıl tədbirlərin görülməsi davam etdirilir.
Qeyd edək ki, ölkəmizdə 42 nəfərin plastik cərrah kimi fəaliyyət göstərməsinə icazə verilib. Ancaq sosial şəbəkələrdə hələ də bəzi həkimlərin fəaliyyətlərinə davam etmələri ilə bağlı xəbərlər yayılıb.
Belə şəxslərdən biri özünü sosial platformada həkim kimi tədim edən "shole-estetik” adı ilə məşhur olan Şölə Məmişovadır.
Aristokrat Tibb mərkəzində fəaliyyət göstərən Şölə Məmişova Blefaroplastika (Göz qapaqlarının plastikası), Browlift(Qaş qaldırma) prosedurları həyata keçirir.
Qiymətlər isə pasiyentə görə dəyişir. Belə ki, 200-800 manat arasında pasiyenlərdən pul alaraq heç bir sertifaktı, lisenziyası olmadan bu əməliyyatlar icra edən Şölə Məmişova sosial platformadada bu barədə reklamlar verir,və pasiyent məmmnIniyyəti barədə çıxışlar yayımlayır.
Araşdırmalarımız nəticəsində Şölə Məmişovanın Səhiyyə Nazirliyinin və Elm və Təhsil Nazirliyinin məlumat bazasında ali tibb təhsil olması barədə məlumat yoxdur həmçinin sertifikasiyası haqqında məlumat mövcud deyil. Dövlət Reyestrində sistemində onunla bağlı heç bir qeyd yoxdur. Yəni o heç bir ali tibbi təhsili, tibbi sertifikata və lisenziyaya malik olmadan fəaliyyət göstərir.
Bununla bağlı Aristokrat tibb məkrəzində bildiriblər ki, Şölə Məmişovanı tanımırıq.
Qeyd edək ki, Səhiyyə Nazirliyi Analitik ekspertiza mərkəzinin mütəmadi xəbərdalıqlarına baxmayaraq qanunsuz fəaliyyət göstərən, estetik porosdeurları həyata keçirən, tibbi təhsili olmayan kosmetoloqlar gizlin fəaliyyətlərini davam etdirməkdədirlər.
Məsələ ilə bağlı Şölə Məmişova əlaqə saxlamaq mümkün olmadı.
Lakin Aristokrat tibb mərkəzindən bu məlumatları inkar etsələrdə videogörüntülərdə aydın olur ki, qanunvericiliyi heçə sayaraq özünü "həkim” "kosmetoloq” adlandırnlar üçün şərait yaradıb fəaliyyət göstərirlər.
Necə deyərlər "görününən dağa bələdçi lazım deyil”.
Həmçinin qeyd edək ki, sosial platformalarda "doktor” Şölə Rəfiyeva (Məmişova ) müxtəlif soyadlarla səhifələrdən istifadə edir və gizlin qanunsuz əməllərini davam etdirir.
Qeyd edək ki, Azərbaycan Respublikasının Qanununa əsasən kosmetoloji iş üzrə özəl tibb xidməti fəaliyyətinin göstərilməsi üçün lisenziya tələb olunur. Nazirlər Kabinetinin 15 may 2017-ci il tarixli 206 nömrəli Qərarı ilə təsdiq olunmuş "Özəl tibb fəaliyyəti üzrə lisenziyalaşdırılan xidmətlərin və işlərin Siyahısı”nda "kosmetoloji” iş üzrə tibbi xidmətin göstərilməsi tibbin bir sahəsi kimi qeyd olunub: "Burada tibbi kosmetologiyaya daxil olan estetik problemlər, onların korreksiyasına və profilaktikasına yönəlmiş, örtük toxumalarına müdaxilə ilə müşayiət olunan müxtəlif kompleks prosedurları nəzərdə tutulub. Tibbi kosmetologiyaya, cərrahi müdaxilələr istisna olmaqla (plastik cərrahiyyəyə aid olduğundan) konservativ və korreksion üsullar daxildir. Bu üsullara inyeksion prosedurlar, müxtəlif növ aparat kosmetologiyası (o cümlədən lazer üsulu epilyasiya), biorevitalizasiya, mezoterapiya, pilinq prosedurları, müalicəvi masaj üsulları, plazmoliftinq aid oluna bilər. Bu üsulların hamısı "kosmetoloji” işə aid olunduğundan müvafiq iş üzrə özəl tibb xidməti fəaliyyətinin göstərilməsi üçün lisenziya tələb olunur. Bu sahədə praktiki tibbi fəaliyyət üzrə müvafiq sertifikatı olan həkim-dermatoveneroloqlar və tibbi kosmetologiya üzrə ixtisaslaşma keçmiş ali tibbi təhsilli mütəxəssilər məşğul olmaq hüququna malikdirlər”.
Yazıda adları keçənlərin mövqeyini dərc etməyə hazırıq.
Məsələ ilə bağlı qanunsuz fəaliyyət göstərən estetik prosedurları həyata keçirən Şölə Məmişova ilə bağlı Analitik Ekspertiza Mərkəzinə müraciət olunub.
Araşdırmalarımız davam edir.
XALQ.AZ
