Amerikalı investor David Saks Ukrayna prezidenti Vladimir Zelenskini Krımı Rusiyaya verməyə çağırıb.
1xeber.media xəbər verir ki, bu barədə o, X sosial şəbəkəsindəki səhifəsində bildirib. "Birincisi, [Krım] son on ildə Rusiyanın bir hissəsidir. İkincisi, əhalisinin əksəriyyəti (Qərb sorğularının göstərdiyi kimi) Rusiyanın bir hissəsi olmaq istəyən etnik ruslardır. Üçüncüsü, Ukraynanın onu geri qaytarmaq üçün heç bir hərbi vasitəsi yoxdur. 2023-cü ildəki fəlakətli əks-hücum bunu göstərdi", - o yazıb. Onun sözlərinə görə, Krım Zelenski üçün ən asan məsələdir.
Əgər o, yarımadanı Rusiya kimi tanımırsa, o zaman Zelenski ilə sövdələşmə mümkün olmayacaq, Saks əlavə edib. Bundan əvvəl ABŞ prezidenti Donald Tramp bildirib ki, Zelenskinin Ukraynanın Krım yarımadasını Rusiyanın ərazisi kimi tanımaqdan imtina etməsi ilə bağlı sözləri münaqişənin həlli üzrə danışıqlara ziyan vurur. "Kiyev Krımı illər əvvəl itirib və hazırda müzakirə mövzusu belə deyil", - Ağ Ev rəhbəri qeyd edib.
