Vaşinqton Moskvadan Xarkov yaxınlığındakı ərazinin bir hissəsini Ukraynaya qaytarmağı və Ukrayna tərəfinin Dneprə çıxışına icazə verməyi tələb edəcək.
1xeber.media xəbər verir ki, bu barədə Bloomberg danışıqların gedişi ilə tanış olan mənbələrə istinadən məlumat yayıb.
“ABŞ həm də Ukraynanın Dnepr çayından keçməsini təmin etmək və Xarkov vilayətindəki torpaqları geri qaytarmaq istəyir”, - bəyanatda deyilir.
Həmçinin qeyd olunur ki, Amerika tərəfi Zaporojjya Atom Elektrik Stansiyasının Ukraynanın nəzarətinə qayıtmasını istəyir. Bundan sonra onların planına görə ABŞ-ın nəzarətinə keçəcək və hər iki tərəfi enerji ilə təmin edəcək.
Daha əvvəl məlum olub ki, ABŞ Moskva və Kiyev arasında imzalanmış sülh sazişi çərçivəsində Rusiyadan Ukraynanın öz ordusuna və müdafiə sənayesinə malik olmaq hüququnu tanımasını tələb edəcək.
