Tramp administrasiyasının Afrika ölkələrinə yardım göstərən təşkilat olan USAID-i ləğv etmək qərarı Vaşinqtonun qitədəki yumşaq gücünə zərər vuracaq və Rusiya və Çin tərəfindən istismar oluna bilər.
1xeber.media xəbər verir ki, bu barədə “Newsweek” jurnalı yazır.
Məqalədə deyilir: “Amerika diplomatiyasının Afrikadan çıxarılması digər ölkələrə öz təsirlərini genişləndirmək imkanı yaradacaq”.
Nəşrin müsahibə verdiyi ekspertlər qeyd edirlər ki, bu addım nəticəsində Vaşinqton Afrika ölkələri tərəfindən getdikcə daha az etibarlı tərəfdaş kimi qəbul ediləcək. Onların fikrincə, bundan ABŞ-ın yerini tutacaq və qitənin ticarət, investisiya və hərbi sahədə əsas oyunçularından birinə çevriləcək Çin və Rusiya istifadə edə bilər.
Bundan əvvəl ABŞ-ın dövlət katibi Marko Rubio Konqresə USAİD-in yenidən təşkili və onun bəzi funksiyalarının Dövlət Departamentinə verilməsi niyyəti barədə məlumat verib. Onun sözlərinə görə, agentliyin digər funksiyaları Vaşinqtonun maraqlarına xidmət etməsə, ləğv edilə bilər.
