Keçmiş sevgilisi Moskva vilayətinin sabiq ticarət naziri və “ silah baronu” kimi məşhur olan Mixail Xubutiyanı ona balta ilə hücum etməkdə ittiham edib. Hadisə Moskva ətrafındakı “Trixqorka” qəsəbəsində baş verib.
1xeber.media axar.az-a istinadla xəbər verir ki, məlumatı Rusiya Teleqram kanalları yazıb.
Yuliya Van adlı xanımın sözlərinə görə, Xubutiya münasibətləri bərpa etmək istəyib, rədd cavabı aldıqda isə ona hücum edib. Qadın bədən xəsarətləri alıb və xəstəxanaya yerləşdirilib, orada polisə ərizə yazıb.
Xubutiya ittihamları rədd edir və Rusiyada olmadığını bildirir.
Mixail Xubutiya Moskva vilayətinin sabiq ticarət naziri, “Volqa” apart-otelinin sahibidir. Yuliya Van isə “Van Tea” ticarət evi və gözəllik salonuna rəhbərlik edir. Cütlük 5 il birlikdə olub, 2024-cü ildə ayrılıb.
