Rusiya prezidenti Vladimir Putin Birləşmiş Ərəb Əmirliklərinin (BƏƏ) lideri Məhəmməd bin Zayed Əl Nəhyan ilə telefon danışığı zamanı bu ölkənin Rusiya ilə Ukrayna arasında məhbus mübadiləsinin təşkilində göstərdiyi yardımı yüksək qiymətləndirib.
1xeber.media xəbər verir ki, bu barədə mayın 1-də Kremlin mətbuat xidməti məlumat yayıb.
“Əmirlik tərəfinin səyləri sayəsində Pasxa bayramı ərəfəsində 246 rusiyalı hərbçi öz vətənlərinə qayıda bildi”, - Telegram kanalında bildirilib.
Orada qeyd olunub ki, danışıqlar zamanı dövlət başçıları strateji xarakter daşıyan və siyasət, ticarət-iqtisadi və humanitar əlaqələr sahələrində fəal inkişaf edən ikitərəfli münasibətlərin əldə olunmuş səviyyəsindən məmnunluq ifadə ediblər.
