2025-ci il iyunun 1-dən etibarən Rusiyada “B” kateqoriyalı sürücülük vəsiqəsinə sahib şəxslər üçün qanunvericilikdə əhəmiyyətli dəyişikliklər qüvvəyə minəcək.
1xeber.media xəbər verir ki, bu dəyişikliklər sayəsində artıq sürücülər əlavə imtahan vermədən və xüsusi icazə almadan bəzi növ nəqliyyat vasitələrini idarə edə biləcəklər.
Əvvəllər “B” kateqoriyasına malik olan sürücülər yalnız avtomobil oturacağı olan kvadrisiklər və trisiklləri idarə edə bilərdi. Digər motorlu vasitələri – məsələn, qar arabaları və kvadrosiklləri – idarə etmək üçün traktor vəsiqəsi və ya icarə müqaviləsi tələb olunurdu. Yeni dəyişikliklərlə bu məhdudiyyətlər aradan qaldırılıb.
İndi yalnız tibbi arayış təqdim etməklə vəsiqəni yeniləyən “B” kateqoriyalı sürücülər aşağıdakı vasitələri sərbəst idarə edə biləcəklər:
Bu avadanlıqları qanuni idarə etmək üçün sadəcə əks göstəriş olmayan tibbi arayış təqdim edərək sürücülük vəsiqəsini yeniləmək yetərlidir. Heç bir əlavə imtahan və ya xüsusi icazə tələb olunmur.
“C” və “D” kateqoriyaları sahibləri bu cür avadanlıqları idarə etmək üçün xüsusi təlim keçməli və icarə müqaviləsi bağlamalıdırlar.
