Naxçıvan Muxtar Respublikasına (MR) yeni iqtisadiyyat naziri təyin olunub.
1xeber.media xəbər verir ki, bu barədə Naxçıvan Muxtar Respublikası Ali Məclisi sədrinin birinci müavini Bəxtiyar Məmmədov sərəncam imzalayıb.
Sərəncama əsasən, Naxçıvan Muxtar Respublikası İqtisadiyyat naziri vəzifəsinə Kazım Hüseynəliyev təyin edilib .
"Nuhçıxan"-ın məlumatına görə, Kazım Hüseynəliyev 1987-ci ildə Naxçıvan şəhərində anadan olub. Orta məktəbi Naxçıvan 12 nömrəli tam orta məktəbdə oxuyub. Azərbaycan Dövlət Neft Akademiyasında Menecment və strateji idarəetmə ixtisası üzrə bitirib. 2012-ci ildə əmək fəaliyyətinə başlayıb. İqtisadiyyat Nazirliyində aparıcı məsləhətçi, sektor müdiri, şöbə müdiri vəzifəsində işləyib. 2024-cü ildə "Dövlət qulluğunda fərqlənməyə görə" medalı ilə təltif edilib.
Naxçıvan Muxtar Respublikasının Baş nazirinin təqdimatı ilə 5 may 2025-ci il tarixdə Naxçıvan Muxtar Respublikasının iqtisadiyyat naziri təyin olunub.
Naxçıvan Muxtar Respublikası Ali Məclisinin mayın 6-da keçirilən növbəti sessiyasında Kazım Hüseynəliyevin iqtisadiyyat naziri vəzifəsinə təyin olunması haqqında Naxçıvan Muxtar Respublikası Ali Məclisinin Qərarı verilib.
