Ukrayna İstanbulda Rusiya ilə danışıqlarda yalnız bir mövzunu müzakirə etməyə hazır olduğunu bəyan edib.
1xeber.media xəbər verir ki, bu barədə Ukrayna rəsmiləri The Wall Street Journal-a (WSJ) məlumat veriblər.
“Ukrayna rəsmiləri bildiriblər ki, Rusiya tərəfi ilə yalnız qeyd-şərtsiz 30 günlük atəşkəsin necə həyata keçirilməsi və monitorinqi məsələsini müzakirə etmək üçün görüşəcəklər”, - deyə rəsmilər bildirib.
Rusiya danışıqlar qrupu mayın 15-də səhər saatlarında İstanbula gəlib. Nümayəndə heyətinə Rusiya prezidenti Vladimir Putinin köməkçisi Vladimir Medinski başçılıq edib.
Ukrayna prezidenti Vladimir Zelenskinin təyyarəsi bir müddət əvvəl Polşadan Türkiyəyə yola düşüb. Bu barədə Ukrayna Ali Radasının deputatı Yaroslav Jeleznyak məlumat verib.
