Şimali Atlantika Alyansı Baltik dənizində baş verən insidentin bütün hallarını aydınlaşdırmaq üçün Estoniya hakimiyyəti ilə əlaqə saxlayır.
1xeber.media "Reuters"ə istinadən xəbər verir ki, bunu NATO-nun baş katibi Mark Rutte deyib.
"NATO və Estoniya indi sıx əlaqə və koordinasiya içərisindədir, çünki baş verənlər haqqında dəqiq məlumatı bilməliyik", - hərbi blokun rəhbəri qeyd edib.
Rutte vurğulayıb ki, alyans ölkələri “bu regionda təhlükəsizliyi təmin etmək üçün fəal əməkdaşlıq edirlər”.
Bundan əvvəl məlum olub ki, Estoniya Hərbi Dəniz Qüvvələri Polşa aviasiyasının dəstəyi ilə Qabon bayrağı altında Rusiya limanına gedən JAGUAR tankerini beynəlxalq sularda saxlamağa cəhd edib. Qeyd olunur ki, gəmi Su-35 qırıcısının köməyinə çatdıqdan sonra təqibdən xilas ola bilib.
