Nyu Yorkun Bruklin şəhərinin federal məhkəməsi Mozambikin keçmiş maliyyə naziri, ölkənin keçmiş prezidentinin oğlu və “Credit Suisse” bankının üç eks-bankirinə Rusiyanın VTB bankına 352 milyon dollar təzminat ödəmələri ilə bağlı qərar qəbul edib.
1xeber.media xəbər verir ki, bu barədə “Moskva Tayms” məlumat yayıb.
Məlumata görə, VTB Mozambikin sabiq prezidenti Armando Gebuzanın ailə üzvlərinin iştirak etdiyi böyük bir dələduzluq işinin qurbanı kimi müəyyən olunub.
Bildirilib ki, ölkə rəsmiləri və bankirləri 2014-cü ildə Mozambik dövlət istiqrazlarının 2 milyard dollarlıq buraxılışını əhatə edən korrupsiya sxemində iştirak edib:
“Pulla ton balığı ovu, sahil mühafizəsi və gəmiqayırma zavodunun tikintisi layihələri üçün Mozambik zəmanəti altında toplanıb. Lakin alınan kreditlərin 500 milyon dolları izsiz yoxa çıxıb, 200 milyon dollar bank komisiyalarına xərclənib, vəsaitin bir hissəsi “Credit Suisse”nin keçmiş işçilərinə və Mozambik rəsmilərinə rüşvət kimi verilib. Rusiya bankı VTB bu proqramın ən böyük investorlarından biri olub. Layihənin maliyyə memarları isə İsveçrə “Credit Suisse” bankirləri idi. Onlar Mozambik hökuməti ilə birlikdə Xarici Korrupsiya Təcrübələri Aktını pozaraq, istiqraz alıcılarından Mozambik borcunun həqiqi həcmini və nəticədə 2016-cı ildə baş vermiş yüksək defolt riskini gizlətməklə investorları aldadıblar”.
Mozambikdə ton balığı ilə bağlı məhkəmə də məhkumluqla nəticələnib. Mozambikin keçmiş prezidentinin oğlu Ndambi Qebuza 12 il müddətinə azadlıqdan məhrum edilib”.
